Sot u lansua zyrtarisht në formë dixhitale revista Journal Business, dhe një nga personat e parë që e shpërndau menjëherë ishte Richard Grenell, ish-ambasadori amerikan dhe emisari special i Presidentit Donald Trump
Duke repostuar postimin e botuesit Fitim Çeku, Grenell dha një sinjal të qartë mbështetjeje për këtë iniciativë mediatike që synon të promovojë kontributin e administratës Trump për paqen dhe prosperitetin në Ballkan.
Çfarë shkruan revista?
Numri i parë dixhital i Journal Magazine (pjesë e Journal Business) i kushtohet kryesisht rolit historik të Presidentit Donald Trump dhe Ambasadorit Richard Grenell në procesin e normalizimit mes Kosovës dhe Serbisë.
Revista rikujton se në maj të vitit 2018, Presidenti Trump emëroi Richard Grenellin si Emisar Special Presidencial për bisedimet Kosovë-Serbi. Qasja pragmatike e Grenellit – “paqe përmes ekonomisë” – solli disa rezultate konkrete:
• Rivendosja e fluturimeve direkte mes Prishtinës dhe Beogradit (janar 2020)
• Marrëveshje për lidhje hekurudhore dhe rrugore
• Marrëveshja historike e Uashingtonit e nënshkruar më 4 shtator 2020 në Shtëpinë e Bardhë
Revista thekson gjithashtu se ndërsa Trump dhe Grenell punonin për marrëveshje paqeje, prokurori special Jack Smith e akuzo politikikisht Presidentin Trump ashtu edhe Presidentit Hashim Thaçi.
Rëndësia e mbështetjes së Grenellit
Reposti i Richard Grenellit nuk është rastësor. Ai tregon se zyrtari i lartë amerikan vazhdon të ketë interes dhe lidhje të forta me aktorë shqiptarë që promovojnë narrativën e suksesit të politikës së Trumpit në Ballkan.
Shumë analistë e shohin këtë si një sinjal paraprak për një angazhim më të madh amerikan në rajon gjatë mandatit të dytë të Presidentit Trump, me Richard Grenellin si një nga figurat kyçe.
Revista Journal Business synon të jetë një platformë e re që sjell përmbajtje me fokus te biznesi, ekonomia dhe diplomacia pro-amerikane.
